Istoria Eskola

Eskola Sekundaria Tekniku Vokásional-Teknolojia no Industria Lifau (ESTV-TIL) hamahan an iha Fundasaun Salumata nian okos, hari iha Mahata,Suku Costa, Sub-Rejiaun Pante-Makassar, Rejiaun Administrativa Espesial Oe-Cusse Ambeno (RAEOA), Eskola nee hari hanesan Eskola Tékniku Vokásional Privada Primeiru iha rai Enklave Oé-Cusse – Ambeno, ne’ebé harii husi Sr. Maximiano Neno, SKM, MPH i Sra. Izaura da Cunha, iha tinan 2019 no hetan apoiu tékniku no finánseiru husi Fundasaun Salumata. ESTV-TIL hetan autorizasaun atu harii husi Autoridade Edukasaun RAEOA no ZEESM TL iha tinan 2019. Estatutu Fundasaun Salumata no ESTV-TIL submete ona iha Ministerio da Justica hodi hetan apresiasaun no aprovasaun ESTV-TIL halo ona aproximasaun ho Autoridade Edukasaun RAEOA no ZEESM TL no Ministeriu Edukasaun, Kultura, Joventude no Desportu, Timor Leste, atu hetan avaliasaun nune’e bele hetan lisensa operasional. Prosesu aprendizajen iha ETVL hahu ona iha loron 13 fulan Januari tinan 2020, maibe ofisialmente foin mak loke husi Diretor Regional RAEOA no ZEESM TL, Senhor Daniel Mauno iha loron 29 Janeiru 2020. Hetan Vizita Ofisial husi S.E Vice Ministro Edukasaun no S.E Sekretaria Rejional Edukasaun no Solidariedade Social ho komitiva iha loron 21 Agustu 2020.

Eskola Sekundaria Tekniku Vokásional Tekniku no Industria Lifau (ESTV-TIL) iha Departamentu tolu (3) mak hanesan ;

• Departamentu Tekniku Konstrusaun Civil
• Departamentu Tekniku Mekanika Produsaun
• Departamentu Gestaun Ekipamentu Informatika